Erasmus+ek finantzatutako eta ENQAk koordinatutako bi urteko proiektu batean parte hartuko du Unibasq-ek, kalitate-agentziei Europako Titulu Bateratuaren Zigilua lortzeko ebaluazioak egiten laguntzeko. Austriako Kalitatea Bermatzeko eta Egiaztatzeko Agentzia (AQ Austria) ere proiektuaren parte izango da, Goi Mailako Hezkuntzaren Kalitatea Bermatzeko Europako Erregistroarekin (EQAR) batera, kide elkartu gisa parte hartuko duelarik.
Proiektuaren partzuergoak agentzien arteko ikaskuntza erraztuko du, eta zigiluaren ebaluazioetan elkar ulertzea eta koherentzia sustatuko ditu tailer batzuen bidez. Arreta berezia eskainiko zaio zigiluaren ebaluazioak kalitatea bermatzeko prozesuetan sartzeari, Europako Ikuspegiaren araberako akreditazioak barne, eta lehenengo esperientzietatik sortzen diren erronkei eta gainditu gabeko gaiei ekiteari.
Proiektuak aztertuko du, halaber, agentzien kanpo-berrikuspenerako mekanismo bat abian jartzeko beharra eta bideragarritasuna, kalitate-zigiluaren ebaluazioak nola egiten dituzten egiaztatzeko, zigiluaren irizpideen arabera eta gida operatiboarekin bat etorriz.
Proiektuari buruzko informazioa: https://www.enqa.eu/news/enqa-awarded-funding-for-edl-ready-project/
