Ebaluatzaile Bankua
Unibasqeko Ebaluatzaileen Bankua datu-basea da, eta Agentziak egiten dituen ebaluazio-prozesuei laguntzeko helburua du, prozesu horiek hobetzen laguntzeko.
Unibasqek profil anitzeko ebaluatzaileak ditu bere programen ebaluazio-prozesuak egiteko, bai batzordeentzat bai ebaluazio-panelentzat. Beren esperientziarekin eta ezagutzarekin Agentziak egiten dituen ebaluazio-prozesuen kalitatea mantentzen eta hobetzen laguntzen duten pertsonak izan behar dute.
Unibasq-ek ebaluatzaileak hautatzeko kontuan hartzen ditu European Association for Quality Assurance in the EHEA (ESG) erakundeak garatutako Standards and Guidelines for Quality Assurance in Higher Education (ENQA) eta European Association for Consiumek adostutako Ebaluatzaileak Aukeratzeko Irizpideak, beti ere kontuan izanik kalitate irizpideak, objektibitatea, independentzia eta interes-gatazkarik ez izatea.
Unibasqek bere Ebaluatzaileen Bankua zabaldu eta hobetu nahi du, hainbat profiletako ebaluatzaileak bilduz, ebaluaketan esperientzia dutenak edo ez dutenak, bai nazionalak —bereziki Euskal Autonomia Erkidegotik kanpokoak—, bai nazioartekoak. Zehazki, Unibasqek honako profil hauek sartu nahi ditu bere Ebaluatzaileen Bankuan:
- Irakaskuntzan, ikerketan, ezagutzaren transferentzian, kudeaketan eta/edo ebaluazioan esperientzia duten langile akademikoak.
- Unibertsitateko ikasleak edo graduatu berriak.
- Ebaluatu beharreko jakintza-arloan ibilbide luzea duten profesionalak
Ebaluatzaileen bankuarekin zerikusia duen edozein zalantza argitu edo kontsultaren bat egiteko, jar zaitez gurekin harremanetan ebaluatzaileak@unibasq.eus helbidean.
Ebaluatzaileen Bankurako sarbidea
Unibasqek haien informazioa eta CVa Ebaluatzaileen Bankura bidali nahi duten adituei gonbita egiten die haien datuak esteka honetan sar ditzaten: EBALUATZAILEEN BANKUA (sarrera)
Unibasqek aztertu egiten ditu Ebaluatzaileen Bankuan sartzeko eskaerak, datu-basean behin betiko sartu aurretik Eskaera datu-base horretan sartu ondoren, mezu elektroniko bat bidaliko zaio eskatzaileari, horren berri emateko. Bankuan alta emanda egoteak esan nahi du Agentzia banku horretan alta eman duen pertsonarekin harremanetan jarri ahal izango dela bere programetako batean ebaluatzaile gisa laguntzeko. Hala ere, izena eman duen pertsonak egokitzat jotzen badu eskaera hori baztertzea (adibidez, agenda-arazoak, interes-gatazkak, bateraezintasunak, etab. tarteko direla), beti dago horretarako aukera, Bankuan “baja” eman beharrik gabe. Ebaluatzaile batek ebaluazio-prozesu batean parte hartzea onartzen badu, haren curriculuma Agentziaren webgunean argitaratuko da, ESGek ezartzen dituzten baldintzak betez
Ebaluatzaileen Bankuan zehaztasun handiagoz azaltzen den bezala, Unibasqek bermatuko ditu erregistroan emandako datu pertsonalak, Agentziaren ebaluazio-prozesuetan parte hartzen duten ebaluatzaileen datuak kudeatzeko beti ere indarrean dauden legeen arabera.
Euskal Unibertsitate Sistemaren Behatokia
