Unibasq-ek parte hartu du Unibertsitate Kalitate Agentzien Espainiako Sarearen (REACU) 2026ko Jardunaldi Teknikoetan. Unibertsitate Kalitatearen eta Hezkuntza Ebaluazioaren Kanarietako Agentziak (ACCUEE) antolatu ditu jardunaldi horiek, Tenerifeko Santa Cruzen, otsailaren 5ean eta 6an.
Topaketa horretan unibertsitateko kalitate-agentzietako teknikariak eta zuzendariak bildu ziren, esperientziak trukatzeko, ezagutza partekatzeko eta unibertsitate-sisteman kalitatea ziurtatzeko prozesuak hobetzen aurrera egiteko elkarrekin.
Jardunaldien programari esker, modu integralean heldu ahal izan zitzaien unibertsitate-kalitatea bermatzeko egungo erronka nagusiei, arreta berezia eskainiz akreditazio instituzionalari, titulazio ofizialen eta irakasleen ebaluazioari, bai eta 905/2025 Errege Dekretu berriaren ondoriozko arau-aldaketei ere. Halaber, prozesu horien inplikazio praktikoak aztertu ziren, eta parte hartu zuten agentzien artean ikuspegi eta irizpide komunak partekatu ziren.
Aldi berean, REACU agentzien zuzendaritzen bilera egin zen.
