Irakasleak
Egiaztapena – Deialdiak
Galdera ohikoei erantzuna.
1. Egiaztapen-deialdi batera lehenago aurkeztu banaiz, nire datuak berreskura al ditzaket nire datuak edo berriro sartu behar al ditut?
2011eko Egiaztapen deialdi orokorretik aurrera eskatu baduzu, aplikazioak aurreko eskaerako datuak iraultzeko eta berreskuratzeko aukera emango dizu.
2. Ezagutza-arlo desberdinetan figura bera eskatu dezaket?
Deialdi berean, kontratazio mota berdinean, gehienez, bi ezagutza arloan eskatu ahal izango da, Irakasle oso eta Ikerketa-irakasle modalitateen kasuan izan ezik, izan ere kasu horietan, txosten bakarra eskatu ahal izango baita jakintza-arlo bakar baterako, figura horiek ezagutza-arlo bati lotutako ibilbide koherentea eta sendoa eskatzen baitute.
3. Eskaera itxi ondoren, aldaketak egin ditzaket?
Eskaera itxi ondoren, ezin izango da aldaketarik egin. Eskaera ezabatu eta berri bat egin beharko da.
4. Eskaera itxi eta formalizatu ondoren, jarrai al dezaket merezimenduen frogagiriak igotzen?
Merezimenduen frogagiriak deialdiaren azken egunera arte erantsi ahal izango dira, nahiz eta eskaera Eusko Jaurlaritzaren administrazio elektronikoan formalizatu.
5. Nola jakin dezaket eskaera behar bezala egin dudan?
Eusko Jaurlaritzaren egoitza elektronikoan eskaera sinadura elektronikoaren bidez formalizatu ondoren eta Unibasq-ek baldintzak betetzen direla eta tasa behar bezala sinatu eta ordaindu dela egiaztatzen duenean, aplikazio informatikoan eskaera honela azalduko da: “Ebaluatzeko onartua”.
Kontuan izan behar da ez dela prozedura automatikoa, betekizun legal eta formal batzuk betetzen direla egiaztatu behar baitu Unibasq-ek.
6. Nola ordaindu behar dut tasa?
Tasa ordaintzeko, ordainketa-pasabidea erabiliko da Eusko Jaurlaritzaren egoitza elektronikoan bertan. Urrats hauek egin beharko dira:
- urratsa. Eskabidea sinatu eta bidali ondoren. euskal administrazioen ordainketa-pasabidera sartu beharko duzu NIRE KARPETAko ORDAINKETAk ataletik.
- urratsa. Bete inprimakia ordainketa-gutunean aurkituko dituzun datuekin eta sakatu Onartu botoia.
- urratsa. Sartutako datuak zuzenak direla baliozkotu eta Ordaindu botoia sakatu.
- urratsa. Aukeratu zein erakunde laguntzailetan egin nahi duzun ordainketa eta sakatu Onartu botoia.
Eragiketa amaitu ondoren, erakunde laguntzaileak egindako ordainketaren egiaztagiria emango dizu.
Eskaera ebaluatzeko onartzen denean bakarrik kobratuko da tasa; bestela, tasaren zenbatekoa banku-transferentziaren bidez itzuliko da.
Eskatutako figura / ezagutza arlo bakoitzeko tasaren zenbatekoa ordaindu beharko da, ebaluazioa eskaera bakoitzeko egiten da eta horietako bakoitzak ebazpen bat dakar.
7. Non aurki ditzaket ebazpena eta laburpen txostena?
Eskaera bakoitzeko ebaluazio-ebazpen bat plazaratu behar da, eta ebaluazioaren aldeko edo kontrako iritzia adierazi behar ditu, eta zer kontratu-modalitatetarako egiten den. Halaber, ebaluazioa kontrakoa bada, dagokion batzordeak egindako ebaluazioaren txostenaren eskaera bete den aplikazio informatikoan egongo da eskuragarri.
Unibasqeko zuzendariak ebazpenak jakinarazteko, baterako ebazpen bat jarriko du Eusko Jaurlaritzaren iragarki-taula elektronikoan (https://www.euskadi.eus). Ebazpen hori iragarki-taula elektronikoan argitaratzen den data ebazpenaren jakinarazpenaren data formala izango da, xede guztietarako.
Nolanahi ere, ondorengo egunetan ebazpen indibidualizatua bidaliko zaie egoitza elektronikoaren bidez.
8. Irakasle Osoen eta Ikerketako Irakasleen kasuan, zer sartu behar dut autotxostenaren atalean?
Irakasle Osoen eta Ikerketako Irakasleen kasuan, eskatzaileak autotxosten bat aurkeztu beharra du autoebaluazio gisa; bertan adieraziko dira bere ibilbide akademikoaren lorpen garrantzitsuenak. Autotxosten horrek 2.000 hitz izango ditu gehienez, eta oso funtzio garrantzitsua betetzen du ebaluazio-batzordeek beren lana ebaluazio-ikuspegi kualitatibo eta kuantitatiboarekin egin ahal izateko; adibidez, eskatzailearen ikerketa-ibilbidearen ebaluazioari dagokionez, non lidergo argia, garrantzi zientifikoa, oreka eta denboran sendotzea nabarmendu behar diren (guztiak ere aipatutako bi figuren ezaugarriekin bat datozen lorpenak). Autotxostenean sartzen den narratibak, baina baita eskaeraren beste atal batzuetan sartzen direnak ere (adibidez, ekoizpen zientifikoaren kalitate-zantzuetan sartu beharrekoak), aukera ematen du ebaluatu daitezkeen dimentsioei lotutako ekarpenak eta lorpenak azaltzeko eta dagokien testuinguruan kokatzeko. Narratiba elementu osagarri garrantzitsua da, baina ez du ordezkatzen parametro objektibo eta nabarien bidez emandako ekarpenen kalitatearen ebaluazioa. Adibidez, narratiba garrantzitsua izan daiteke eskatzaileak egile ugarik parte hartzen duten argitalpenetan egindako ekarpena motibatzeko, justifikatzeko edo deskribatzeko, edo haren argitalpenen eta proiektuen inpaktu zientifikoa eta/edo soziala justifikatzeko, baldin eta aipaturiko inpaktu zientifikoa adibidez ez bada agerikoa (besteak beste, jasotako aipuen edo hedabidearen eraginaren bidezko adierazleak erabiliz). Ikus, halaber, laguntza-gidan gai horri buruz jasotako informazioa.
9. Zer sartu behar dut ekoizpen zientifikoaren kalitate-zantzuen atalean?
Atal honetan ekoizpen zientifikoaren kalitateari edo garrantziari buruzko askotariko informazio laburra, sartu beharra dago, Ebaluazio Batzordeek beren lana ebaluazio-ikuspegi kualitatibo eta kuantitatiboarekin egin ahal izan dezaten.
Ohiko adierazle kuantitatiboez gain (unibertsitateetako liburutegi- eta/edo bibliometria-zerbitzuek horiei buruzko aholkularitza eskaintzen dute), ekarpena azaldu eta bere testuingurua azalduko duen narratiba labur bat sartzea gomendatzen da.
Narratibak lagungarriak dira ekoizpen zientifikoaren kalitatearekin erlazionaturiko dimentsio desberdinen autoebaluazio eta kanpo-ebaluaziorako, hala nola ekoizpenaren originaltasuna, inpaktua edo ezagutza zientifiko-teknikoaren aurrerapenari egiten dion ekarpenaren ebaluaziorako. Narratiba ebaluaziorako elementu osagarri garrantzitsua da, baina narratibak ez du ordezkatzen ekarpen jakin bakoitzaren ebaluaziorako parametro objektibo eta nabariak erabiliz egindako ekarpenen kalitatearen ebaluazioa. Narrazioa bereziki garrantzitsua izan daiteke eskatzaileak egindako ekarpen batzuk motibatzeko, deskribatzeko eta beren testuinguruan kokatzeko; adibidez, eskatzaileak egile ugarik parte hartzen duten argitalpenei egiten dien ekarpena, edo argitalpenen inpaktu zientifikoa eta/edo soziala justifikatzeko garrantzitsua izan daiteke, baldin eta aipaturiko inpaktu zientifikoa adibidez ez bada agerikoa (besteak beste, jasotako aipuen edo hedabidearen eraginaren bidezko adierazleak erabiliz).
Nolanahi ere, erreferentziazko iturrien eta ebaluazio-iturri metrikoen erabilera arduratsua egingo da, bai kuantitatiboena (adibidez, adierazle bibliometriko normalizatuak), bai kualitatiboena.
10. Ze talde eta ikerketa-proiektu kontutan hartuko dira, ikerkuntza eta ezagutza zabaltzeko taldeko jardueraen atalean?
Ikerketa-jarduera kolektiboei dagokienez, eta zehatzago esanda ikerketa-proiektu eta -taldeei dagokienez, soil-soilik ikerketa zientifiko-akademikokoak diren lehia-deialdietako proiektu eta taldeak hartuko dira kontuan, beti ere baldin eta eskatzaileak proiektuan edo taldean unibertsitateko ikerketa-enkarguaren eta -loturaren baitan parte hartu badu, eta baldin eta deialdia egin duten erakundeak soilik finantzatzen badu proiektua edo taldea. Proiektu eta talde horiek Europar Batasuneko ikerketa-programa lehiakorretan, garrantzi zientifiko handiko nazioarteko beste entitate edo erakunde batzuetakoetan (NSF, Fullbright, etab.), Estatuko planetakoetan, autonomia-erkidegoetakoetan (EAEn, euskal unibertsitate-sistemako ikerketa-taldeetan eta parekagarriak diren beste autonomia-erkidego batzuetan) eta antzeko beste entitate edo erakunde publikoen deialdien baitan jasotako proiektuak eta taldeak izan beharko dira, betiere eskakizun- eta lehia-maila parekagarria dutela egiaztatzen bada eta beti ere deialdi horiek guztiak kanpo-ebaluazio akreditazio bat duen ebaluazio-agentzia batek ebaluatuak badira. Oso salbuespenezko kasuetan, eremu espezifikoan duten garrantzia eta ospea dela eta, aipatutako baldintzak betetzen dituzten eta jakintza-arloan aparteko garrantzia duten erakunde pribatuek deitzen dituzten proiektu edo taldeak ere kontuan hartu ahal izango dira, baina ikerketa-proiektu edo -talde lehiakorrak izan beharko dute, eta soil-soilik ikerketakoak. Gainera, koherentzia egon beharko da figura bakoitzerako egiaztatutako merezimendu edo betekizunaren eta deialdiaren eta proiektu edo taldearen ezaugarrien artean; besteak beste, deialdiei dagokienez, beren garrantzia, aurkotasun-maila, kanpo-ebaluazioa eta prestigio akademikoa kontuan hartuko dira eta proiektuaren edo taldeei buruz dimentsioa, lortutako finantzaketa, iraupena eta emaitzen garrantzia; horiek horrela, esate baterako, ez litzateke onartuko Irakasle osoen eta Ikerketa-irakasleen ikerketa-proiektuen Ikertzaile Nagusi (IN) izatearen betekizunerako, unibertsitate-mailako irakasle berrientzako ikerketa-proiektu baten edo unibertsitate-mailako aurkotasun-maila oso apala edo finantzaketa oso-osorik unibertsitatearena izango ez zukeen ikerketa-proiektu baten IN izateren meritua.
11. Meritu gisa sar dezaket finantzaketarik lortu ez duen ikerketa taldearen eskaera baten ebaluazio positiboa?
Ebaluazio positiboa jaso duten baina finantzaketa espezifikorik ez duten proiektuak, sare-taldeak edo antzekoak ez dira baloratuko.
12. Nola justifikatu behar ditut ikerketa-proiektuak, -kontratuak, -taldeak eta –sareak eta ikerketa-proiektu batean eta OTRIren bidez izapidetutako kontratu batean parte hartu izana?
Deialdia egin duen unibertsitatearen edo erakundearen ziurtagiriaren kopia erantsiko da. Ziurtagiri horretan, eskatzaileak lantaldean izandako parte-hartzea eta finantzaketaren zenbatekoa adieraziko dira zehazki.
Laguntza-gidan aipatzen den bezala, ez da baliozkoa izango proiektuak ikertzaile nagusiaren sinadurarekin justifikatzea, organo eskudunek erakunde-mailan emandako ziurtagiriak baino ez dira onartuko. Ordea, ez dira onartuko pertsona fisikoek edo eskumena ez duten organoek egindako autozertifikaziorik edo ziurtagiririk.
13. Meritu gisa sar dezaket finantzaketarik lortu ez duen ikerketa taldearen eskaera baten ebaluazio positiboa?
Ebaluazio positiboa jaso duten baina finantzaketa espezifikorik ez duten proiektuak, sare-taldeak edo antzekoak ez dira baloratuko.
14. Nola justifika dezaket proiektuetan kontratatu gisa parte hartu dudala?
Ikertzaile nagusia ez bazara, deialdia egin duen unibertsitateak edo erakundeak edo ikerketa-kontratuak unibertsitateko langileekin kudeatzeko gaitasuna duen erakunde batek sinatutako kopia aurkeztuz bakarrik justifika dezakezu merezimendua.
15. Kongresu batean, zer alde dago “Hitzaldi” edo “Komunikazio” baten eta “Hitzaldi gonbidatu” baten artean?
“Hitzaldia” eta “Komunikazioa” zientzialari baten ekarpenak dira, Kongresuko Antolakuntza Batzordeari aurkezten zaizkionak eta Batzordeak onar ditzakeenak edo ez. “Hitzaldi gonbidatua” terminoak, berriz, esan nahi du Antolakuntza Batzorde Zientifikoak a priori gonbidatu duela eskatzailea, aditu gisa, kongresuan parte har dezan.
“Osoko hitzaldia” ekarpena ez da “Hitzaldi gonbidatua” ekarpenaren baliokidea (kontuan hartuko den salbuespena ondoko hau izango da: tradizio handiko kongresu batean egindako “Hitzaldia” gisako ekarpena, baldin eta hori hala identifikatzen bada eta egiaztapen frogagarri batekin egiaztatzen bada).
16. Nola justifikatuko ditut kongresuak?
Kongresuaren aktaren bidez edo kongresuan parte hartu duzula adierazten duen ziurtagiriaren bidez.
17. Non sartu behar dira Kongresuetako Abstract izenekoak?
“Kongresuak” atalean, hemen: “Kongresu akten laburpen hedatuak (proceedings)”.
18. Nola adierazi behar dut nire irakaskuntza-jarduera?
Garrantzitsua da eskatzaileek beren irakaskuntza-merezimenduak irakasgaien arabera sartzea. Datuak errazago sartzeko, “kopia egiteko” aukera dago; horri esker, hautatutako merezimendua irakasgai bera eman den ondorengo beste ikasturte edo urte batera eraman daiteke. Horrela, informazio guztia berriro sartzea saihestuko da.
19. Egiazkotasunarekin lotutako zer erantzukizun hartzen dira bere gain eskabidea betetzerakoan?
Eskatzaileak, eskaera ixtean, bere gain hartu beharko du aurkeztutako informazioa eta aurkeztutako dokumentazio guztia egiazkoa eta osoa dela, eta dagokion erantzukizuna bere gain hartzen duela (Administrazio Publikoen Administrazio Prozedura Erkidearen urriaren 1eko 39/2015 Legearen 28.7 artikulua).
Erantzukizunpeko adierazpenean edo komunikazioan jasotzen den edozein datu edo informazio zehatza ez bada, faltsua bada edo funtsezko zerbait falta bada, edo administrazio eskudunari erantzukizunpeko adierazpena aurkezten ez bazaio, edo adierazitakoa betetzen dela egiaztatzeko eskatzen den dokumentazioa aurkezten ez bada, edo jakinarazpena egiten bada, ezinezkoa izango da eragindako eskubidea edo jarduera gauzatzen jarraitzea gertakari horien berri izaten den unetik aurrera, egon daitezkeen erantzukizun penal, zibil edo administratiboak alde batera utzi gabe (Administrazio Publikoen Administrazio Prozedura Erkidearen urriaren 1eko 39/2015 Legearen 69.4 artikulua).
20. Zer baldintza behar dira administrazio elektronikorako sarbidea izateko?
Lotura honetan identifikaziorako eta sinadurarako onartutako eta adierazitako bitarteko bat izatea.
Eskaera administrazio elektronikoaren bitartez soilik formalizatuko da.
Administrazio Elektronikoaren bidez eskaerak formalizatzeko laguntza gida
21. Arrazoi desberdinengatik ezin badut elektronikoki sinatu, aukera egongo litzateke eskabidea formalizatzeko?
Ordezkari batek eskabidea formaliza dezake. Eskatzaileak eskuz bete beharko ditu ordezkatutako pertsonaren datuak, eta borondatezko ordezkaritza egilestea-inprimaki normaldua aurkeztu beharko du.
Ordezkariak elektronikoki sinatuko du eskabidea, bere identifikazio elektronikorako bitartekoarekin (eskatzailearen gakoekin sartu ahal izango da aplikazio informatikora Egoitza Elektronikora sartzeko), ordezkaritza ematen duen pertsona fisikoaren izenean, eta lehen adierazitako inprimakia erantsita.
Bi pertsonek jasoko dituzte jakinarazpenak.
22. Jar al dezaket berraztertze-errekurtsorik administrazio elektronikoa ez den beste bide batetik?
Ez, bide horretatik egindakoak bakarrik onartuko dira, ez baitira onartuko paperan edo posta elektronikoz jasotakoak. Deialdian adierazten den bezala, eskabidearen ondorengo izapideak, NIRE KARPETAn egingo dira.
Euskal Unibertsitate Sistemaren Behatokia
